+374 55 17-03-03
Գրանցվե՛ք ընդունելության Առցանց խորհրդատվություն
Ամբողջ կայքը
Գրանցվե՛ք ընդունելության Առցանց խորհրդատվություն
Հովհաննես Էդուարդի Դիլանյան
Վիրաբույժ-ուրոլոգ-ուռուցքաբան, բ.գ.թ.

Շագանակագեղձի ադենոմայի ստադիաները

Ընթերցանության ժամանակը: 3 րոպե
Հոդվածում

Բուժվու՞մ է արդյոք շագանակագեղձի ադենոման: Շագանակագեղձի ադենոմայի ժամանակակից բուժումը կախված է հիվանդության ստադիան ճիշտ որոշելու հանգամանքից: Մտածե՛ք ինքներդ. շագանակագեղձի ադենոմայի առաջին ստադիայի դեպքում հնարավոր է դեղորայքային բուժում՝ այն դեպքում, երբ երկրորդ և երրորդ ստադիաները պահանջում են արդեն վիրաբուժական մոտեցում:

Շագանակագեղձի ադենոմայի աստիճանները

Ինչպես ցանկացած քրոնիկ հիվանդություն, ադենոման ևս զարգանում է դանդաղ, ասես գաղտնի՝ հանգեցնելով բարդությունների: Մեծ մասամբ հենց շագանակագեղձի ադենոմայի բարդությունների պատճառով է, որ տղամարդիկ դիմում են մեզ:
Շագանակագեղձի ադենոմայի 1-ին աստիճանը բնութագրվում է միզման աննշան խանգարումներով՝ մեզի թույլ շիթ, միզելու հաճախ ցանկություն, գիշերամիզություն: 
Շագանակագեղձի ադենոմայի 2-րդ աստիճանն արդեն բնութագրվում է բարդություններով՝ միզապարկն ամբողջությամբ չի դատարկվում, այսինքն՝ միզուկը կտրուկ նեղացել է, այնպիսի զգացում է, որ միզապարկն ամբողջությամբ չի դատարկվել, հաճախամիզություն՝ փոքր քանակությամբ մեզով, ակամա միզարձակում: Վատագույն երկու բարդությունը՝ սուր միզականգը և երիկամային քրոնիկ անբավարարության սկիզբը, հանդիպում են շագանակագեղձի ադենոմայի արդեն իսկ երկրորդ ստադիայի դեպքում:

Ինչո՞վ է վտանգավոր շագանակագեղձի ադենոման տղամարդկանց համար

image/svg+xml

Ամենամեծ վտանգը ենթադրում է շագանակագեղձի ադենոմայի 3-րդ աստիճանը. միզապարկի պատը կտրուկ բարակում է, և գրեթե կորում է կրճատվելու հատկությունը: Տուժում են երիկամները. չէ՞ որ եթե մեզը նորմալ չի դուրս գալիս, ապա լայնանում են միզածորանները, և երիկամի բարձր ճնշումն ուղղակի կործանում է երիկամը:
Ադենոմայի 3-րդ ստադիայի դեպքում պղտոր մեզի առկայությունը կապված է հիվանդությանը զուգահեռ վարակների առաջացմամբ. կանգային մեզի մեջ մանրէներն ակտիվորեն զարգանում են՝ վնասելով ոչ միայն միզապարկն ու շագանակագեղձը, այլև՝ երիկամները. առաջանում է քրոնիկ պիելոնեֆրիտ:
Հաճախ մեզի մեջ լինում է արյուն, սակայն դա դեռևս ամբողջը չէ. այս ստադիայում հաճախ են հանդիպում նաև սուր միզականգեր, ինչի արդյունքում տեղադրվում է ցիստոստոմա՝ որովայնի պատի միջով միզապարկում տեղադրվող դրենաժային խողովակ:
 

Օնկոլոգիան մեր ժամանակների պատուհասն է

Կարո՞ղ է արդյոք շագանակագեղձի ադենոման ստադիաներից որևէ մեկում վերաճել քաղցկեղի

...Եվ այսպես, որքա՞ն հաճախ է շագանակագեղձի ադենոման վերածվում քաղցկեղի. հիվանդների կողմից ամենից հաճախ տրվող հարցը: Ապացուցված է, որ շագանակագեղձի քաղցկեղը շագանակագեղձի ադենոմայի ստադիա կամ աստիճան չէ. դրանք տարբեր հիվանդություններ են: Մինչդեռ, այս երկու հիվանդությունները միանգամայն կարող են հանդիպել միաժամանակ և զարգանալ զուգահեռ: Այդ իսկ պատճառով շագանակագեղձի ադենոմայի դեպքում մենք առանձնահատուկ ուշադրություն ենք դարձնում PSA (ՊՍՀ)-ի բարձրացմանը և, հետևելով Ուրոլոգիայի եվրոպական ասոցիացիայի ուղեցույցներին, ճշտում ենք ախտորոշումը՝ իրականացնելով շագանակագեղձի բիոպսիա

Շագանակագեղձի ադենոմա և շագանակագեղձի քաղցկեղ. այս հիվանդությունների տարբերությունն ահռելի է, սակայն դրանք կարող են զարգանալ զուգահեռաբար՝ բարդացնելով բուժումը

«
»
Նորմալ շագանակագեղձ
Նորմալ շագանակագեղձ և լայն միզուկ
Շագանակագեղձի ադենոմայի 1-ին ստադիա
1-ին աստիճան. շագանակագեղձի չափը մեծացած է, միզուկը՝ նեղացած, միզումն իրականացվում է դժվարությամբ:
Շագանակագեղձի ադենոմայի 2-րդ ստադիա
2-րդ աստիճան. շագանակագեղձի չափը մեծացած է, մնացորդային մեզ, կաթիլային միզարտադրության առաջացում:
Միզապարկի քարեր
2-րդ ստադիա. միզականգի և վարակի պատճառով հնարավոր է միզապարկի քարերի առաջացում:
Միզապարկի դիվերտիկուլներ
Շագանակագեղձի ադենոմայի 2-3-րդ աստիճաններ. չափազանց մեծ լարվածությունը հանգեցնում է դիվերտիկուլների՝ միզապարկի ճողվածքների առաջացմանը:
Միզականգ
Շագանակագեղձի ադենոմայի 2-3-րդ ստադիաներ. քրոնիկ միզականգ՝ միզապարկում մեզի մշտական առկայություն:
Острая задержка мочи
Սուր միզականգ. միզապարկում խողովակի տեղադրում
Մի անգամ հարցրել են Ավետիք Իսահակյանին.
-Վարպե՛տ, ո՞րն է Ձեր երազանքը:
-Գոնե մեկ անգամ քունս նորմալ առնել և մի լավ միզել…

1-ին ստադիայի շագանակագեղձի ադենոմա. նկարագրություն և բուժում

Ադենոմայի նախնական ստադիան երիտասարդ տղամարդկանց ամենամեծ խնդիրների մեկն է: Ցավը նրանում է, որ հաճախամիզության, գիշերվա ընթացքում հաճախ միզելու ցանկության, հաճախ, մեզի թույլ շիթի մասին գանգատները վերագրվում են քրոնիկ պրոստատիտին: Եվ ահա այստեղ սկսվում է՝ շագանակագեղձի մերսման կուրսեր, բուսական դեղամիջոցներ, զանազան ֆիզիոթերապևտիկ կուրսեր… Այդ ամենը շարունակվում է մի քանի տարի, և այդ ամենի վրա ծախսվում են հսկայական գումարներ. «քրոնիկ պրոստատիտ» անվանումն ինքնին ենթադրում է քրոնիկ բուժում, այսինքն՝ յուրաքանչյուր 6 ամիս տղամարդը, ասես նախապես պայմանավորված, հայտնվում է ֆիզիոթերապևտի աշխատասենյակում:

Ինչու՞ է դա այդպես: Այն պարզ պատճառով, որ չի վերացվում նույն «քրոնիկ պրոստատիտ»-ի պատճառը, քանի որ վերոհիշյալ բոլոր մեթոդները չեն հանդիսանում հիվանդության նախնական ստադիայի բուժում:

Անհրաժեշտ է իմանալ և հասկանալ, որ եթե շագանակագեղձում առաջացել է ադենոմայի հանգույց, ապա այն սկսելու է սեղմել օրգանը և փակել արտադրվող հյութիհոսքը: Նման իրավիճակում ոչ մի «հրաշագործ սարք» ի վիճակի չէ ամբողջությամբ վերացնել այդ, այսպես կոչված, «քրոնիկ պրոստատիտը»:

Այդ իսկ պատճառով վերոհիշյալ ախտանիշերն ի հայտ գալիս պահանջվում է դիմել շագանակագեղձի ադենոմայի ախտորոշման մեթոդների, քանի որ շագանակագեղձի ադենոմայի 1-ին ստադիայի որակյալ բուժումը թույլ է տալիս խուսափել… «քրոնիկ պրոստատիտի» հետ կապված բարդություններից և խնդիրներից:

«-Եթե Ձեզ թողնեն, միայն կկտրեք…
-Կտրում են մեծ ճանապարհների վրա: Մենք վիրահատում ենք:
Եվ հաճախ՝ առանց նշտարի»

Շագանակագեղձի ադենոմայի 2-րդ ստադիա տղամարդկանց մոտ. վիրահատություն

2-րդ ստադիայի շագանակագեղձի ադենոման արդեն հիվանդության բարդացած դրսևորումն է: Այս աստիճանին հաջորդող մյուս ասպեկտները տղամարդու կյանքն ուղղակիորոն դժոխքի են վերածում:
Գիշերվա ընթացքում զուգարան գնալու պահանջի պատճառով քնի խանգարումները ոչ միայն սովորական անհարմարություն են, այլև՝ տղամարդու համար մշտական, անդադար սթրեսի գործոն: Այդ քրոնիկ հոգնածությունը և մշտական նյարդային վիճակը՝ պոռթկումներով, պարզապես խաթարում է աշխատունակությունը և ազդում ընտանեկան փոխհարաբերությունների վրա:
Միզելու ընթացքում ուժ գործադրելու անհրաժեշտությունը, որպեսզի մեզի շիթը կարողանա հաղթահարել խոչըդոտները, հանգեցնում է աճուկային ճողվածքների առաջացմանը. իսկ դա արդեն պահանջում է կարգավորում՝ վիրահատության միջոցով:
Մնացորդային մեզով պայմանավորված՝ մեզի ակամա կաթիլային արտազատումը, որն արդեն իսկ ի հայտ է գալիս շագանակագեղձի ադենոմայի 2-3 աստիճաններից, կտրուկ վատթարացնում է կյանքի որակը՝ մեզի՝ դրան հաջորդող տհաճ հոտի պատճառով:
Սուր միզականգն այն իրավիճակն է, երբ տղամարդն ուժ է գործադրում, սակայն նրան չի հաջողվում իրենից դուրս մղել մեզը, ինչն ուղեկցվում է անտանելի ցավերով և միզելու սարսափելի ցանկությամբ: Դա հանդիսանում է հոսպիտալացման և որովայնի միջով միզապարկում խողովակի տեղադրման պատճառ:

 

Շագանակագեղձի ադենոմայի 2-րդ աստիճանն այդ իսկ պատճառով հանդիսանում է վիրահատության նշանակման պատճառ. չափազանց մեծ է բարդությունների ռիսկը:

Շագանակագեղձի ադենոմայի 2-րդ և 3-րդ աստիճաններով պայմանավորված ադենոմայի բարդությունների և ժամանակակից վիրահատությունների ռիսկերի համեմատությունը միանշանակ խոսում են վիրահատական միջամտության օգտին:

Մտածե՛ք ինքներդ. ժամանակակից վիրահատական բուժումը շագանակագեղձի ադենոմայի երկրորդ աստիճանի դեպքում ենթադրում է էնդոսկոպիկ միջամտություն՝ առանց կտրվածքների, առանց արյունահոսության ռիսկի կամ երկարատև հոսպիտալացման:
Մենք մեր հիվանդներին առաջարկում ենք մինի-ինվազիվ վիրաբուժության ողջ փաթեթը. շագանակագեղձի ՏՈՒՌ՝ բիպոլյար և պլազմային, պլազմային վապորիզացիա և լազերային էնուկլեացիա:
Հիվանդության 2-րդ ստադիայի դեպքում վիրահատության մեթոդի ընտրությունը կախված է ոչ միայն հիվանդության աստիճանից, այլև գոյացության չափից և ուղեկցող հիվանդություններից: Հիմնվելով լիարժեք ախտորոշման տվյալների վրա՝ մենք յուրաքանչյուր հիվանդի առաջարկում ենք հենց իրեն առավել հարմար վիրահատության մեթոդը:

«Դու ունես երկու տարբերակ.
շարունակել վիճել և անել այնպես, ինչպես ես ասացի:
Կամ անել այնպես, ինչպես ես ասացի»:
Դոկտոր Հաուս

Շագանակագեղձի ադենոմայի 3-րդ ստադիա. բուժում և կանխատեսում

3-րդ աստիճանի դեպքում «տղամարդկանց» հիվանդությունը բնութագրվում է մնացորդային մեզի մեծ ծավալներով, միզապարկի պատի թուլացմամբ և դրա ատրոֆիայով, միզածորանների լայնացմամբ և երիկամների ֆունկցիայի խանգարմամբ:
Ի՞նչ են նշանակում այս տողերը: Ասենք՝ առկա է մնացորդային մեզ, ասենք՝ բարակել է միզապարկի պատը, և լայնացել են միզածորանները… ինչո՞վ է դա վտանգավոր:

Շագանակագեղձի ադենոմայի 3-րդ ստադիան չբուժելու դեպքում կանխատեսումը ծայրահեղ լուրջ է. երիկամային անբավարարության զարգացումը միանգամայն կարող է հանգեցնել մահվան:

Մնացորդային մեզի առկայությունը ենթադրում է գրեթե 100 տոկոսանոց ռիսկ՝ վարակների առաջացման առումով. միզականգի դեպքում մանրէները պարզապես դուրս չեն գալիս մեզի միջոցով: Միզապարկում մեծ ճնշումը խանգարում է երիկամից մեզի դուրս բերմանը. նախ լայնանում են միզածորանները, համապատասխանաբար՝ բարձրանում է երիկամներում մեզի ճնշումը, ինչը կտրուկ ձևով խանգարում է երիկամների ֆունկցիան:
Երիկամային քրոնիկ անբավարարությունը, այսինքն՝ երիկամների կողմից արյունը թույներից մաքրելու ունակության կորուստը ծայրահեղ վտանգավոր բարդություն է: Այդ իսկ պատճառով, ադենոմայի դեպքում երիկամներից մեզի արտահոսքի խանգարումը հանդիսանում է վիրահատական միջամտության պատճառ:

-Սա լա՞վ հիվանդանոց է:
-Կախված է այն բանից՝ ինչ նկատի ունեք՝ «լավ» ասելով:
Բազկաթոռներն այստեղ հարմարավետ են:.
Դոկտոր Հաուս
Մեր առավելությունները

Հանդիսանալով էնդոուրոլոգիայի գծով մասնագիտացված կենտրոն՝ մենք մեր հիվանդներին ենք առաջարկում շագանակագեղձի ադենոմայի բոլոր ստադիաների ժամանակակից և անվտանգ վիրահատական բուժման ողջ սպեկտրը:

Սարքավորումների տեսանկյունից հագեցվածությունը և մեր փորձը թույլ է տալիս միջամտություններ իրականացնել նույնիսկ բարդությունների դեպքում: Շագանակագեղձի բիպոլյար ՏՈՒՌ, լազերային էնուկլեացիա և պլազմային վապորիզացիա, ինչպես նաև լապարոսկոպիկ վիրահատություններ:

Անեսթեզիոլոգների փորձառու թիմը հնարավորություն է ընձեռում միջամտություններ իրականացնել այն դեպքերում, երբ սովորական հիվանդանոցներում մերժում են շագանակագեղձի ադենոմայի բուժումը ուղեկցող հիվանդությունների կամ տարիքի պատճառով:

Մեր բազկաթոռները ևս շատ հարմարավետ են:-)

Սերտիֆիկատներ
image/svg+xml
image/svg+xml
Տեղեկատվություն այլ քաղաքներից ժամանող հիվանդների համար

Եթե Ձեզ անհրաժեշտ է շագանակագեղձի ադենոմայի բուժում Երևանում կամ Մոսկվայում, ապա դիմե՛ք մեզ: Մենք կկազմակերպենք Ձեր հոսպիտալացումը ժամանման իսկ օրը, կանցկացնենք անհրաժեշտ հետազոտությունները և, անհրաժեշտության դեպքում, կիրականացնենք համապատասխան վիրահատությունը հնարավորինս սեղմ ժամկետներում:

image/svg+xml
image/svg+xml
Կարծիքներ
Շագանակագեղձի ադենոմայի ստադիաները
կարդալ ավելին
Եվգենի Կ.

Կարծիք՝ prodoctorov.ru կայքից

Հորս մոտ ի հայտ էին եկել ծայրահեղ ուրոլոգիական և պրոկտոլոգիական շատ տհաճ ախտանիշեր: Դիմեց բժիշկ Դիլանյանին, որը պնդեց, որ անհրաժեշտ էր իրականացնել շտապ ախտորոշում: Մի շարք հետազոտություններից հետո՝ ռեկտոսկոպիա, կոլոնոսկոպիա, ցիստոսկոպիա, ունեցանք ախտորոշում՝ միզապարկաաղիքային վիրախորշ, նորագոյացություններ աղիքներում և շագանակագեղձի ադենոմա: Չնայած բժիշկ Դիլանյանն անձամբ չէր իրականացնում կոլոնոպրոկտոլոգիական մասը, սակայն մեզ համար ողջ տեղեկատվությունն ապահովվոց բարձր մակարդակով: Մենք գիտեինք այն ամենն ինչ անհրաժեշտ էր և այն ձևաչափով, որն անհրաժեշտ էր: Բժիշկ Դիլանյանն անձամբ մասնակցեց միզապարկի կողմից վիրախորշի հեռացման վիրահատությանը, ինչպես նաև անցկացրեց դրան հաջորդող շագանակագեղձի ադենոմայի հեռացման վիրահատությունը: Վիրահատություններն անցան առավելագույն հաջողությամբ, հայրս սկսեց ապրել միանգամայն այլ կյանքով, վերականգնվեց ֆիզիոլոգիապես: Իմ ողջ ընտանիքն անսահման երախտապարտ է բժիշկ Դիլանյանին: Այդ ժամանակից ի վեր բոլորին խորհուրդ եմ տալիս դիմել այդ բժշկին: Հիանալի պրոֆեսիոնալ, զգոն, խարիզմատիկ անձնավորություն, ներշնչում է լավատեսություն և վստահություն դրական ելքի առումով, ինչը պակաս կարևոր չէ, որքան նրա՝ որևէ կասկածի չենթարկվող պրոֆեսիոնալիզմը:

Շագանակագեղձի ադենոմայի ստադիաները
կարդալ ավելին
Շագանակագեղձի ադենոմայի ստադիաները
կարդալ ավելին